S'Alighera - Arrestu in s'Alighera pro droga. Lunis a mangianu sos carabineris ant arrestadu D.G. sa fèmina de 46 annos. Sa fèmina, a pustis de percuisitzione locale e personale, est istada agatada cun 320 grammos e 10 prantas de marijuana, 20 mìgia de èuros in contante e materiale pro la fàghere crèschere e confetzionare.
In s'àmbitu de sa matessi operatzione, sunt istados denuntziados àteros duos aligheresos, de 49 e de 43 annos. Custos teniant, unu 30 grammos de marijuana e s'àteru, 15 grammos de hashish.
Totu custa droga e su materiale agatadu est istadu secuestradu. Sa fèmina arrestada est istada mantesa in regìmene de arrestos domitziliares in domo sua a disponimentu de s'Autoridade Giuditziària. Custu mangianu, su Giùighe de Tàtari, cunvalidende s'arrestu at dispostu pro issa s'òbrigu de firma.