Tàtari - Martis su 20 de ghennàrgiu, a sas 11, su retore magnìficu de s'Universidade de sos Istùdios de Tàtari Màssimo Carpinelli at a inaugurare su de 453 Annos Acadèmicos de s'Ateneu turritanu. A sa tzerimònia, chi s'at a fàghere in Àula Magna, at a leare parte sa senadora Èlena Cattaneo, professora ordinària de Farmacologia in s'Universidade de sos Istùdios de Milanu e diretora de su "Laboratòriu de Biologia de sas tzèllulas Istaminales e Farmacologia de sas Maladias Neurodegenerativas" de su Dipartimentu de Bioisièntzias, e finas cofondadora de su tzentru de chircas subra de sas tzèllulas istaminales "Unistem" (Universidade de sos Istùdios de Milanu).
Sos eventos cullegados a s'inauguratzione de s'Annu Acadèmicu ant a incumintzare lunis su 19 de ghennàrgiu a sas 7 e mesa de sero, in su Teatru tzìvicu cun su cuntzertu de s'Orchestra de su Cunservatòriu "L. Cànepa" de Tàtari.