Tàtari - At chircadu de furare mertze e a pustis at chircadu de fuire unu tataresu firmadu mèrcuris a sero in su tzentru cummertziale Auchan in zona Predda Niedda. A. B. de 47 annos est istadu agatadu dae sos addetos a sa vigilàntzia mentres furaiat una cunfetzione dae sos iscafales de Mediaworld e chircaiat de nde bogare su sistema de antitachègiu cun un'aparèchiu eletrònicu.
S'òmine, invitadu dae sos impiegaods, at cunsignadu a pustis s'ogetu furadu, un'epiladore a lughe pulsada de su valore de belle 300 èuros ma cando sos vigilantes ant mutidu sa Politzia at chircadu de fuire chirchende de brincare sos cantzellos de s'intrada de sa butega e a pustis de iscùdere cun una testada su petus de un'addetu a sa seguresa.
Arribadu a su logu, s'echipàgiu de sa Volante l'at arrestadu e giutu in Cuestura. Setzi a pustis de sas formalidades de su casu, est istadu acumpangiadu a su domitzìliu suo in istadu de arrestu gasi comente est istadu dispostu dae s'Autoridade Giuditziària.