Tàtari - S'Assòtziu de Oncoematologia “Mariangela Pinna” Onlus e s’ U.O.C. de Oncologia de su Santissima Annunziata, cun su patronadu de sa ASL de Tàtari, organizant un'ispetàculu musicale pro totu sos malàidos de s'Ispidale Tzivile, sos familiares e pro chie cheret partetzipare.
Sa serada musicale s'at a fàghere in sas Sala de sas riuniones de su de 7 pianos de s'Ispidale sàbadu su 10 de ghennàrgiu de su 2015 e ant a sonare custos grupos: : sos Fortyfive, grupu chi s'est costituidu pro s'assòtziu e nde faghent parte sos mèigos Tònio Pazzola (armònica, chitarra e boghe) e Carlo Rettaroli (bateria) e sos musitzistas: Natalino Pazzola (chitarra e boghe) e Gigi Pintus (bassu e boghe).

Sos Only the Braves, grupu costituidu dae Mèigos de sas Clìnicas Universitàrias: Fabrìtziu Scognamillo (chitarra); Istèvene Sotgiu (chitarra); Marco Salvo (bassu); Federico Atene (bateria); Cinzia Masia (boghe). Su Coro de su Laboratòriu Musicale de Oncologia de Tàtari costituidu dae malàidos e mèigos.