Su sìndigu Nigola Sanna at firmadu s'ordinàntzia pro abèrrere unu dormidòrgiu in carrera de Duca degli Abruzzi. Publicadu su bandu pro s'afidamentu de su servìtziu de prima ospitalidade diurna pro sas pessones sena domo.
Dormidòrgiu e ospitalidade in Tàtari pro sas pessones sena domo
![](http://img.alguer.it/468x234_1419946382.jpg)
Tàtari - Publicadu s'avisu pùblicu pro s'afidamentu de su servìtziu de prima ospitalidade diurna pro sas pessones sena domo e sas pessones dèbiles e pòveras de sa populatzione tataresa. Sas dimandas devent èssere presentadas intro de su 30 de ghennàrgiu de su 2015 a mesudie pro s'abertura de su dormidòrgiu temporàneu. Bidu su tempus malu chi b'at àpidu in custas dies in tzitade, su sìndigu de Tàtari, Nigola Sanna, at firmadu un'ordinàntzia chi disponet s'abertura istraordinària de unu dormidòrgiu in sos locales de carrera de Duca degli Abruzzi. Su servìtziu istraordinàriu e urgente est pro pessones sena dimora fissa e at a èssere impreadu dae sas 7 de sero a sas 8 de mangianu, dae oe e pro 30 dies imbenientes.
Commenti
|