Tàtari - Paga cosa at furadu, eris sero, unu pitzinneddu rapinadore chi at furadu in una rellogeria in Tàtari. Su giòvanu, unu pitzinnu de 20 annos, est intradu a ora de sas 7 e mesa de sero a intro de una butega de carrera de Brigata de Tàtari minetzende sa cummessa cun una pistola giocàtulu.

Sa fèmina, atzicada, at dadu totu su chi bi fiat in sa cassa. In totu 40 èuros. Leadu su dinare, su rapinadore est fughidu a pee e a pustis, belle de seguru, est istadu agiudadu dae unu còmplitze chi l'isetaiat in moto.
Sas indàgines las sunt faghende sos carabineris chi sunt controllende finas sas ripresas de carchi telecàmera presente in cussa zona. Faghet pessare, a parte sa paga cosa furada, comente in su tzentru turritanu siant semper de prus sos giòvanos a fàghere atos de delincuèntzias gasi graves.