Tàtari - Allarme antratze in s'ufìtziu de sas Postas Italianas de carrera de XXV de Abrile, in Tàtari, in ue benit fatu s'ismistamentu de totu sa corrispondèntzia de sa tzitade. Prus de deghe impiegados ant fatu sas curas mèigas a pustis de àere tocadu sa busta.
In su logu sunt intervènnidos sos vìgiles de su fogu de su Nbcr, sa setzione chi s'interessat a manera ispetzìfica de allarme de nadura chìmicu bateriològica. In s'Istitutu Zooprofilàticu ant a èssere fatas sas anàlisis de su casu pro verificare sa nadura de su prùghere biancu agatadu in intro.


In su logu finas su 118 e sa politzia. Non b'at galu peruna cunfirma ufitziale ma sa Digos paret chi apat giai indentificadu su mitente.

In sa foto: sos mezos de sos vìgiles de su fogu e su 118 in su logu