Nùgoro - Fritu malu finas in Sardigna comente prevìdidu dae sos meteoròlogos. S'ondada de tempus malu chi arribat dae su Nord Atànticu est interessende in custas oras finas s'Ìsula: abba, ventu fritu e nie in sas biddas de monte.
Sa Protetzione tzivile at dadu un'avisu de alerta mèteo pro arriscu idrogeològicu moderadu pròpiu pro curpa de su cuadru mèteo chi annùntziat pretzipitatziones - a caràtere mescamente de rovèsciu o temporada cun atividade elètrica frecuente e ràficas de ventu forte - e niadas. Sa nie at a pòdere interessare finas zonas collinares e at a pòdere arribare finas a su livellu de su mare, comente est giai capitadu in s'ierru de su 2012 cando finas sas tzitades comente de s'Alighera si sunt ischidadas in suta de una manta bianca [abbàida].
In sas vintibator oras imbenientes sunt prevìdidos ventos fortes dae nord ovest e finas burrasca in sas costas e temperaduras in suta de su zero in sas àreas internas. Sas dies prus fritas ant a èssere cussas de incumintzu de chida.