Tàtari - Pro su Nadale tataresu de su 2014, sa Comuna de Tàtari at patrotzinadu prus de 140 eventos; chenàbura su 19 de nadale a sas 5 de borta de die e a sas 7 de sero in pratza de Nazàrio Sàuro, “Mandàla Son'Ora”, animatzione didàtica pro pitzinnos; a sas 6 de borta de die, in pratza de Azuni ispetàculu de dantza; a sas 7 de sero in pratza de Nazàrio Sàuro serada musicale e breakdance cun sos laboratòrios "Agorà”; a sas 8 de sero in largu Sisini ispetàculu de dantza; a sas 9 de sero in su teatru Verdi, “W. Huston tribute”, serada de benefitzièntzia; a sas 9 de sero, in pratza de Tola, “Ragtime”, ispetàculu teatrale; a sas 9 de sero in Palatzu de Tzitade “Omaggio a Giovanni Enna”.

Sàbadu su 20 de nadale, su Nadale tataresu s'iscòstiat a sa Clìnica pediàtrica de s'Azienda ospedaliera universitària, in ue, dae sas 9, b'at a èssere animatzione pro sos pitzinnos “Nadal du Ospedal”; in su Palatzu de sa Frumentària, dae sas 10 a sa una e dae sas 4 a sas 7 de sero, imbetzes, b'at a èssere ”Natale con Piccoli chef”, acadèmia minore de sa coghina ; a sas 5 de borta de die, dae largu Cavallotti a su mercadu tzìvicu, cuntzertu itinerante de sas corales tzitadinas (belle 250 elementos): “Rossini”, “Le Note Colorate” (coro de boghes biancas), “Cànepa”, coro de boghes biancas de sa polifònica “santa Cecilia”, coro femminile “Monteverdi”, “Francesco d'Assisi”, polifònica “Eleonora d'Arborea” e “Vivaldi”.

A sas 5 de borta de die in su mercadu tzìvicu istòricu “Mandàla Son'Ora”, animatzione didàtica pro pitzinnos; a sas 6 de sero, in su teatru Ferroviàriu “Cartacantastorie”, ispetàculu de immàgines e mùsicas; a sas 7 de sero in sa crèsia de Santa Maria de Betlem “Presepe vivente”; a sas 8 de sero in largu Sisini, “Ragtime”, ispetàculu teatrale.