Tàtari - Ztl, discu oràriu e introduida de àreas pedonales pro su perìodu de sas festas de Nadale. In sos parchègios a discu oràriu istituidos dae pagu tempus in carrera de Cagliari, intre pratza de Castello e arburada de Umberto e in carrera de Enrico Costa, intre carrera de Brigata Sassari e carrera Carlo Alberto, est cuntzèdida a totus sa sosta pro unu cuartu de ora (cun discu oràriu) dae sas 9 a sa una e dae sas bator de borta de die a sas 8 de sero. Sa règula valet finas pro chie tenet su distintivu TS. In sas oras chi abarrant (dae sa una a sas bator de borta de die e dae sas 8 de sero a sas 9 de mangianu), sa sosta, sena lìmites de tempus, abarrat pro un'impreu esclusivu de sos mezos autorizados TS.

A s'agabbu de su perìodu de sas festas, sos TS s'ant a pòdere firmare sena discu oràriu finas sa domìniga e in sas dies festivas pro totu sa die. In prus, in sos fines de chida de su 13, 14, 19, 20 e 21 de nadale, dae sas 5 de borta de die a sa 8 de sero, pro fàghere a manera chi si fatzant sos eventos prevìdidos pro su Nadale de su 2014 organizados dae s'Amministratzione comunale, no at a èssere permìtidu su tràficu veiculare (a parte sos mezos ATP) pro s'intrada in largu Cavalloti pro chie benit dae carrera de Politeama.
In sos parchègios interrados, sos cummertziantes de su tzentru podent ativare cunventziones cun sas aziendas chi gestint sos parchègios interrados. Chie at a fàghere ispesas in sas butegas issoro at a tènnere in donu unu billete pro àere de badas su parchègiu, pro unu tantu de tempus. In prus totus podent gudire de abonamentos h24 a prejos bonos. Sa note, dae sas 8 de sero a sas 8 de mangianu, su costu de su parchègiu est de un'èuro.