Tàtari - Novidade pro sa Prima Die de annu in Tàtari. A pustis de s'addòviu cun sos operadores, organizadu dae s'amministratzione, sa Comuna de Tàtari at publicadu su bandu pro sa rechesta de proposta pro s'organizatzione e sa realizatzione de sa Prima die de s'Annu.
S'Amministratzione cheret fàghere partetzipare su mundu culturale e artìsticu de su territòriu e esternalizare sa realizatzione e organizatzione de un'eventu de animatzione e/o ispetàculu pro sa serada de su 31 de nadale de su 2014.