S'Alighera - Disacatos finas in s'aeroportu de s'Alighera pro s'isciòperu generale de chenàbura su 12 de nadale, proclamadu dae sos sindacados contra a su Jobs Act de su guvernu Renzi. Sunt 12 sos volos Internatzionales e natzionales (partèntzias e arribos) cantzellados dae s'Alighera e diretos a s'Alighera, 10 cussos cunfirmados (intre partèntzias e arribos), cunsiderende chi b'ant a pòdere èssere càmbiamentos.

Volos cunfirmados . Intre sos cullegamentos cunfirmados in partèntzia dae sa Riviera de su Coraddu: Bergamo-Orio al Serio de Ryanair de sas 6.45; Milano-Linate de Alitàlia de sas 6.45; Roma-Fiumicino de Alitàlia de sas 7.15; Pisa de Ryanair de sas 10.20; Bologna de Ryanair de sas 19.20. Intre sos arribos: Bergamo de sas 9.55; Pisa de sas 13; Linate de sas 22.10; Bologna de sas 22.25; Fiumicino de sas 22.30.

Volos cantzellados . Intre sos cullegamentos cantzellados in partèntzia e in arribu dae sa Riviera de su Coraddu: Londra-Stansted de Ryanair (arribu a sas 10 e partèntzia a sas 10.25); Madrid de Ryanair (arribu a sas 10.15 e partèntzia a sas 10.40); Roma-Ciampino de Ryanair (arribu a sas 12.40 e partèntzia a sas 13.05); Cùneo de Ryanair (partèntzia a sas 10.05 e arribu a sas 18.55); Roma-Fiumicino de Alitàlia (arribu a sas 16.15 e partèntzia a sas 19.30).