Tàtari - Unu palatzu est istadu evacuadu intre de note in Tàtari. Sos pompieris sunt intervènnidos a sas 5 de mangianu in su palatzu de carrera de Lenci in Li Punti.
S'avisu l'at fatu carchi residente chi s'est afastidiadu pro su fragu forte de gas chi beniat dae un'apartamentu in su de tres pianos. Sa fèmina antziana chi istat inie aiat ismentigadu su gas allutu in antis de andare a dormire.
Sa fèmina est istada ischidada dae sos operadores e giuta de urgèntzia a su prontu sucursu dae su 118. A su mamentu de sos sucursos fiat ischida. Non b'at àteros intossicados intre sos condòminos chi sunt torrados a domo issoro setzi a pustis de àere postu in seguresa s'edifìtziu. A su logu est arribada finas sa politzia.