Tàtari - Sunt in pagamentu sos bonus famìlia pro nùcleos cun bator o prus de bator fìgios chi apant 0 e 25 annos e s'Isee chi non siat prus artu de 30 mìgia èuros. Custa est una prima erogatzione de belle su 60%. Chie at giai dadu su modellu Isee in sas sedes territoriales de sos Servìtzios sotziales si devent presentare in sa sede tzentrale de carrera de Zara 2, cun unu documentu de identidade e còdighe Iban, segundu custu calendàriu: pro sos sambenados dae sa A a Cu su 12 de nadale, dae sas 9 a sa una; dae sa D finas a Gu su 15 de nadale dae sas 9 a sa una; dae sa H finas a sa O, su 16, dae sas 9 a sa una; dae Pa finas a Se, su 17, dae sas 9 a sa una; dae Si finas a Z, su 18 de nadale dae sas 9 a sa una.