Tàtari - Un'àteru, possìbile, casu de violèntzias in un'istitutu. Custa borta a èssere suta de acusa est un'istrutore isportivu de s'Istitutu "Opera Gesù Nazareno".
Custa est un'istrutura in ue sunt ricoveradas una chentina de pessones cun disabilidade mentale e finas àteros chi frecuentant carchi cursu organizadu dae s'iscola.
Sa denùntzia a sa Procura de sa Repùblica est istada fata dae su babbu de unu pitzinnu disàbile.
"In sos bagnos de s'istitutu Ge.Na, fìgiu meu est istadu leadu a iscavanadas e finas iscutu cun unu fuste". Custu est su chi est capitadu su 24 de santugaine, ma setzi carchi die a pustis sa famìlia est andada a s'istùdiu de un'avocadu de fide chi at regortu sa documentatzione e l'at protocollada in tribunale.

Su faldone presentadu a su magistradu tenet finas sas relatziones fatas dae su mèigu de sas lesiones suportadas e finas una chistionada intre su giòvanu chi at subidu sa violèntzia e un'amigu.