Tiesi - Carchi die a como, in una contzeria de peddes a s'essida de Tiesi b'at àpidu un'intzidente grave in su traballu chi at fatu dannu a un'operaju tataresu de 41 annos. S'òmine, impinnadu a impermeabilizare cun sustàntzias chìmicas unu fossu sèticu pro fàghere sucùrrere sas abbas impreadas in su tratamentu de sas peddes, at pèrdidu sos sensos pro sas esalatziones chi b'at àpidu. Su mere de sa dita at dadu deretu s'allarme a su 118 chi, cando est arribadu a su logu, at dimandadu s'interventu de sos Carabineris de sa Cumpagnia de Bonolva. Isetende sos Vìgiles de su Fogu, su cumandante de sa Cumpagnia de sos Carabineris, su tenente Frantziscu Giola, bidende chi si fiant agraviende sas cunditziones de s'operaju at detzisu de falare in su putzu pro lu sarvare.
S'ufitziale est resèssidu a sarvare s'operaju ca l'at presu cun una fune. Su tenente est istadu agiudadu dae àteras patùllias arribadas a su logu.