Terranoa - Unu cullegamentu aèreu nou at a interessare s'aereoportu "Costa Smeralda". Difatis, dae su 27 de maju de su 2015, Terranoa at a èssere cullegada a Bruxelles cun unu cullegamentu de duas bortas sa chida fatu dae “Brussels Airlines”.
Sa capitale gadduresa s'at a annànghere a sos noe iscalos italianos giai servidos dae su vetore de su Bèlgiu: Bologna, Catània, Firenze, Milanu, Nàpoli, Palermo, Roma, Torinu e Venètzia. In s'istiu de su 2014, imbetzes, sa Brussels Airlines at boladu pro duos meses intre su Bèlgiu e sa Sardigna culleghende s'iscalu de Zaventem (iscalu distante ùndighi chilòmetros dae sa capitale) cun cussu de Casteddu Elmas.