Portu Turre - Sos Carabineris de sa Cumpagnia de Portu Turre, in sa note de domìniga, ant denuntziadu in istadu de libertade a sa Procura de sa Repùblica 7 trasgressores de sas normas de su còdighe de s'istrada, leende sas patentes e sinnalende a sa prefetura 4 pessones chi pigant sustàntzias istupefatzentes. Su servìtziu istraordinàriu de controllu de su territòriu faghet parte de unu pianu coordinadu prus mannu de cuntrastu a sa guida suta sos efetos de s'àrculu e de sas drogas giutu a dae in antis dae su Cumandu Provintziale de sos Carabineris de Tàtari.

Custu cumportamentu de guida iscurretu, registradu mescamente in su fine de chida e a càrrigu de giòvanos in su prus de sos casos, est càusa determinante de sinistros istradales chi in medas casos, finas reghentes, at determinadu cunseguèntzias graes. Su bilàntziu de su fine de chida est de 5 pessones de su logu cun tassu alcolèmicu prus artu a su 0,8 G/l, 2 cassados a sa guida de sa vetura sena patente e 4 giòvaneddos semper de su logu signalados a s'autoridade de Seguresa Pùblica ca sunt istados agatados cun 10 grammos de cànnabis pro impreu personale.