Tàtari - S'anàgrafe canina de Tàtari chi s'agatat in sa Funtana Sa Figu in s'istrada pro Òsile, su 12 e su 20 de santandria, dae sas 9 a sas 11, in su canile comunale nou, s'at a fàghere sa "microchipadura". Su servìtziu Veterinàriu de Igiene de sos allevamentos e de sas Produtziones zootècnicas de sa Asl, paris cun s'Assessoradu Comunale a s'Ambiente, ant a pessare duncas a s'identificatzione e a pònnere su microchip de badas a sos canes chi ant a èssere giutos a sa sede.
Sos incarrigados ant naradu chi ant a bènnere collidos setzi 70 canes chi no ant a dèvere tènnere pùlighe, irighinas o àteros parassitas. Custos ant a dèvere èssere tratados cun antiparassitàrios e, si sunt malos o mannos, ant a dèvere tènnere su murrale.
Sos tzitadinos interessados si devent presentare cun sos documentos personales e su còdighe fiscale mancari sient residentes in àteros comunos.