Piaghe - Galu frammas in su territòriu tataresu. Sos Carabineris de s'Istatzione de Piaghe, agiuados dae cussos de su Nùcleu Radiomòbile, sunt intervènnidos sa note colada a ora de sas 11 insoru de Giaga Sana in sa comuna de Piaghe in ue est iscobiadu unu fogu in su fenile de propiedade de duos frades, unu de 50 annos e s'àteru de 46, allevadores de sa bidda.
Sas frammas, forsis de orìgine dolosa, ant guastadu 500 ballas de fenu custodidas in intro de s'istrutura chi at àpidu dannos istruturales mannos. Setzi a ora de sas 3 de de note, a pustis de medas oras de interventu, sos Vìgiles de su Fogu de Tàtari sunt resessidos a mòrrere su fogu.
Sas indàgines sunt istadas dadas a s'Istatzione de Piaghe in collaboratzione istrinta cun sos òrganos investigativos de sa Cumpagnia de so Carabineris de Tàtari. Totu sas ipòtesis sunt galu abertas mancari, comente est istadu naradu, paret chi siet crara cussa dolosa.