Tàtari - Agabbadu chenàbura su 31 de santugaine, su mandadu de su retore magnìficu Atìliu Mastino, incumintzadu sa prima die de su mese de santandria de su 2009. S'Universidade de sos Istùdios de Tàtari at ammaniadu unu mangianu prenu de initziativas

Sa parte prus de importu de sa die est istada a mesudie, in Àula Magna, cun sa tzerimònia ufitziale pro s'agabbu de su mandadu e su saludu de su Retore e de sa Giunta de Ateneu.
Sas initziativas sunt incumintzadas a sas 8,30, cun s'inauguratzione de su Cumplessu didàticu de sa Facultade de Meighina e de Chirurgia, in carrera de Santu Pedru.
In Àula Magna b'at àpidu sa tzerimònia de premiatzione de sos istudentes meritèvoles de s'Universidade de sos Istùdios de Tàtari. A sas 11, in Retoradu, su Grèmiu de sos Viandantes at dadu a Atìliu Mastino sa nòmina de sòtziu onoràriu.