Tàtari - "Su 10eLotto" si cunfirmat unu giogu de popularidade manna. In su cuncursu de sàbadu s'11 de santugaine, sunt istadas prus de 2 milliones e 400 mìgias sas bìnchidas, mentres in totu dae su cumintzu de s'annu est prus de 297 milliones.
Su "Numero Oro" at batidu bona sorte a Tàtari, in ue unu giogadore at bìnchidu 53191 èuros cun una giogada de 20 èuros cun s'estratzione ogni chimbe minutos. Su giogadore at cunfrontadu deretu in su vìdeu de sa ritzevitoria sos ses nùmeros giogados cun sos ses estratos, intzertende·los totus.
Sa bìnchida est istada otènnida in sa ritzevitoria de Giuseppe Scanu, in sa "Galleria Auchan". In su 2014, 10eLotto at erogadu prèmios pro prus de 2 milliardos de èuros in totu su territòriu natzionale e in s'ùrtimu cuncursu sunt istados ispartzidos prus de 18 milliones de èuros.