Tàtari - In Tàtari finas a su 30 de santandria si podet presentare sa dimanda pro s'iscritzione a s'albu de sos iscrutadores pro sos sègios eletorales. Su mòdulu est a disponimentu in sos ufìtzios de su Servìtziu eletorale in pratza de Santa Caterina e in su situ de sa Comuna. Sa dimanda, in forma sèmplitze, podet èssere ispedida cun racumandada cun sa ritzevuta "de ritorno" o cunsignada a manos a su Protocollu, in pratza de sa Comuna dae sas 9 a sa una o imbiada cun sa pec a s'indiritzu protocollo@pec.comune.sassari.it.