Tàtari - At a incumintzare su 10 de santugaine chi benit sa de 17 Istajones lìricas de s'Ente Cuntzertos “Marialisa de Carolis” de Tàtari. Ant a èssere bator, ocannu, sas òperas in programma.

S'issèberu at a èssere intre “Carmen” de Georges Bizet, “Madama Butterfly” de Giacomo Puccini, “La scala di seta” de Gioachino Rossini e “Adriana Lecouvreur” de Francesco Cilèa. S'Istajone at a èssere presentada mèrcuris sa prima die de santugaine a sas 10,30, in sa sala de sas cunferèntzias in su primu pianu de Palatzu Ducale.

At a èssere presente su sìndigu de Tàtari Nicola Sanna e s'assessora a sa Cultura Mònica Spanedda, totu sos detàllios ant a èssere craridos dae su presidente de s'Ente Cuntzertos “Marialisa de Carolis” Alessandro Bisail. Ant a leare parte finas su bitzepresidente Antonello Mattone e su diretore artìsticu Marco Spada.