Tàtari - Unu gemellàgiu intre s'Atp e s'Apt - Azienda Provintziale Trasportos de Gorìtzia at a èssere firmadu chenàbura su 26 de cabudanni in Tàtari.
Sa cunferèntzia istampa de presentada de s'initziativa at a èssere a sas 4 de borta de die in sa sede de s'Azienda Trasportos Pùblicos in carrera de Càniga 5.

A chentu annos dae s'incumintzu de sa Prima Gherra Mundiale, s'afortit in custa manera su ligàmene de amighèntzia e iscàmbiu intre Sardigna e Friuli.
S'Azienda Trasportos Pùblicos at pensadu pro s'ocasione a un'imprenta ispetziale de sos billetes de biàgiu, pro ammentare sos fantes de sa Brigata Tàtari, chi mescamente in sa Gherra Manna ant mustradu su valore issoro in sa manera prus arta. Durante s'addòviu at a sonare sa banda de sa Brigata Tàtari.