Tàtari – Unu postu pro tres. Luca Taras, Fabio Pinna e Alberto Galisai ant a èssere in cumpetitzione pro sa segreteria tzitadina de su Partitu democràticu in Tàtari a pustis de Isetta, s’ex segretàriu chi oe est su cabu de gabinete de su sìndigu Nicola sanna.Non b’at àpidu acordu intre sas currentes de su pd comente imbetzes est capitadu pro sa segreteria provintziale cun sa disinnatzione de su sìndigu de Bànari Gianpiero Cordedda.A si cunfrontare ant a èssere sas tres àreas de su Pd, semper prus distintas in custu incumintzu de amministratzione: s’assessore a sa viabilidade Taras est s’òmine chi est mandende a dae in antis su grupu issoru a su sìndigu Sanna.S’àrea rapresentada dae Giacomo Spissu, Silvio Lai e Giovanni Giagu est puntende imbetzes subra de Fabio Pinna. S’ex cussigieri comunale Alberto Galisai est imbetzes sustènnidu dae su cussigieri regionale Demontis. Su cungressu at a èssere fors su primu fine de chida de santugaine.