Tàtari – Sa comunicatzione de sa morte de unu parente est de seguru unu de sos còmpitos emotivamente pru difìtziles pro un’operadore sanitàriu. Una situatzione crìtica at bisòngiu siat de connoschèntzias tècnicas de su mèigu e siat su de connòschere bene sas modalidades comunicativas addatas a sas castas diferentes de patzientes e a totu sas situatziones de emergèntzia.Pro custu motivu, su Servìtziu de Psicologia Ospidaliera e de sas emergèntzias, in collaboratzione cun su Servìtziu Formatzione de sa Asl de Tàtari, in custas dies at ativadu unos cantos addòvios formativos pro mèigos, psicòlogos e infermieris chi traballant in sas unidades operativas de Prontu Sucursu, 118, Meighina de urgèntzia e de sos repartos de degèntzia de sos Presìdios Ospidalieris de Tàtari, s’Alighera e Otieri.Su cursu chi tenet comente tìtulu “La gestione emotiva e psicologica nella comunicazione di cattive notizie”, chi si faghet in sa sede de su San Camillo, tenet s’obietivu de donare sas cumpetèntzias netzessàrias pro gestire comente mègius si podet su corfu chi sa noa de una morte o de unu ferimentu de una pessone cara podet cajonare a sos familiares.


In sa foto: unu mamentu de s’addòviu