Tàtari - Sos traballadores de sa “Multiss” non tenent paghe peruna. Custu mangianu, una chimbantena de dipendentes ant ocupadu sa sala Eleonora de Arborea pro pedire solutziones a sa vertèntzia longa subra de su benidore de s'azienda partetzipada.

Dae s'incumintzu de su mese, s'azienda at suspesu sos servìtzios pro curpa de sos tàllios a su fundu ùnicu regionale. «Serbit un'addòviu cun su guvernadore, sos assessores e su presidente de su Cussìgiu regionale»", est sa dimanda fata a 7 a manera congiunta dae sa presidente de sa Provìntzia de Tàtari, Alessandra Giudici, dae sos sindacados e dae sos traballadores.

Amministradores e dipendentes ant a manifestare su 16 de cabudanni in Casteddu. Custa est setzi s'ùrtima de sas manifestatziones diferentes chi sos operajos ant organizadu pro non fàghere abbassare s'atentzione subra de su problema. In custas dies sa presidente Giudici at torradu a pedire un'interventu de sa Regione Autònoma de Sardigna.