Tàtari – Dae sas 10 de lunis s’8 de cabudanni ant a èssere disponìbiles sos talliandos pro su torneu de pallacanestru "Città di Sassari-Mimì Anselmi" in programma pro sàbadu su 13 e domìniga su 14 de cabudanni a su “PalaSerradimigni”.In pràtica, at a èssere s’incumintzu in domo de su Bancu de Sardigna Dìnamo Tàtari nou. In sa prima partida de su torneu, sàbadu a sas 6 de borta de die, b’ant a essere su Galatasaray de Pietro Aradori e sos russos de su Lokomotiv Kuban, mentres, a sas 20.30, Vanuzzo e cumpàngios ant a isfidare s'Enel Brindisi de s’allenadore Bucchi. Domìniga, finale pro su de tres e su de bator postos a sas ses de borta de die e sa finalissima a sas 8,30 de sero. Sa billeteria de sa “Dinamo Store” de Carrera de Pietro Nenni at a èssere aberta dae lunis a sàbadu, dae sas 10 a sa una (h 13) e dae sas 4 e mesa a sas 8 de sero. Sos abonamentos pro sas duas dies (postu ùnicu) “non abbonato campionato” costant 30 èuros, sos abonamentos pro sas duas dies (postu ùnicu) “abbonato campionato” costant 20 èuros, sos abonamentos pro sas duas dies (postu ùnicu) “Ridotto Under12” costant 20 èuros. Imbetzes, sos billetes intreos (postu ùnicu) costant: 20 èuros “non abbonato campionato”, 15 èuros “abbonato campionato” e un’èuro “Ridotto Under12”.