Tàtari - Martis su 26 de austu, dae sas 8, Abbanoa at a tancare s'abba de su serbatoju de carrera de Milanu, pro fàghere a manera chi si fatzat carchi traballu a sa rete ìdrica. Duncas b'ant a èssere problemas in sas zonas de Luna e Sole, Carbonazzi, Monte artu e mèdiu, Monserrato, tzentru artu (dae pratza Castello finas a carrera de Duca degli Abruzzi), Porcellana, Tingari, Vadde Gardona e Giòscari. Sas operatziones ant a agabbare a su sero. Sunt prevìdidas finas interrutziones a de note, dae sas ses de sero a sas 4 a de note chi ant a interessare sas matessi zonas.
Sa matessi die, at a pòdere mancare s'abba finas in Ìtiri, Uri, S'Ulumedu, Tissi, Ossi, Muros, Cargeghe, Sossu, Sènnaru e Òsile.
Mèrcuris 27, imbetzes, s'"Enas" at a suspèndere s'abba greza dae sas 8 de mangianu a sas 2 de borta de die. In custas oras, b'ant a pòdere èssere problemas in Tàtari, in sa zona industriale de Portu Turre e in Casteddusardu. S'azienda narat chi sos traballos in programma diant pòdere agabbare finas in antis de s'oràriu prevìdidu