Luras - Domìniga de fogu pro sa Sardigna, comente càpitat a dolu mannu medas bortas, mescamente in istiu pro curpa de distratzione, mala curàntzia o voluntade vera de pessones sena timòrias e sena amore pro s'ìsula.
Unu traballu mannu pro totu sos distacamentos de sos Vìgiles de su fogu e su Corpus Forestale paris a sos voluntàrios de sa Protetzione Tzivile chi pro totu sa die, cun s'agiudu de elicòteros e canadair sunt dèvidos intervènnere pro domare sas frammas in Gaddura (in Luras), in sa zona de Tàtari (Ossi, Putumajore e Ùsini), in su Nugoresu (Bitzi) e in sa zona de Casteddu (Furtei e Nurri).