Ulìana - Domìniga, Ulìana est istada corfada dae unu dramma familiare. Pro càusas chi galu si devent assegurare, Alessandro Mula de 38 annos (connotu comente "Ciste" pro sa partetzipatzione sua a unu reality barbaritzinu-parodia de su "Grande Fratello") paret chi in antis apat mortu sa mugere, Sara Coinu de 35 annos, isparende·li a unu costadu e a pustis morende·si isse etotu cun sa matessi pistola.
Paret chi totu siat capitadu cando su fìgiu de deghe annos fiat cun sos giajos. Sos mortos sunt istados agatados domìniga sero a tardu mannu dae unu tziu de Sara. Sas indàgines de custu casu sunt istadas cuidadas dae sos Carabineris de su Cumandu Provintziale de Nùgoro.