Tàtari – Tàtari s’est aprontende a sa falada de sos Candelieris pro sa note de su 14 e a totu sos eventos cullegados - Pro fàghere a manera chi totu sos apuntamentos apant una resessida bona sunt prevìdidos cambiamentos in sa viabilidade.
Cambiamentos. Martis su 12 de austu pro sa de 16 Editziones de su Cuntzertu pro sos Candelieris, dae sas 8 de mangianu finas a s’agabbu de sa manifestatzione at a èssere vietada s’intrada in pratza de sa Comuna; dae sas 6 de borta de die vietada s’intrada in su gùturu de su Campanile dae pratza de Duomo. Mèrcuris su 13 de austu, pro sa tzerimònia de su Candelieri de Oro, de Prata e Ispetziale, dae sas 7 de sero finas a s’agabbu de sa manifestatzione b’at divietu de intrada a su gùturu de su Campanile dae pratza de Duomo. Su 13 de austu, dae sas 6 de borta de die, at a èssere vietadu su tràficu e sa firmada in pratza de Sant’Antoni (cara cara a s’ex Turritània); su 14 de austu, dae sas 7 de mangianu a sas 5 e mesa de borta de die non bi si podet firmare in sas zonas sinnadas dae sas sinnalètica in custas carreras: carrera de su Gran Condotto 26 (massajos); carrera de Maddalena 26 (muradores); gùturu Pigozzi, 6 (mastros de ferru); largu Pozzo di Villa (carrera Dei Corsi 31, piccapedras); istrada vitzinale Badde Pedrosa 1C (ortulanos); carrera de Gazometro (mastros de pannu); pratza de sa Frumentària (massajos); carrera de Santa Elisabetta 8 (mastros de iscarpas); pratza de S.Antoni (mastros de linna). Su 14 de austu dae sas 8 de mangianu, vietada s’intrada a carrera de Maddalena dae carrera de Arcivescovado (deviatzione in pratza Duomo, carrera de Decimario, carrera de Frigaglia); a carrera Delle Muraglie dae cursu Trinità (pratza de intrada a carrera de S.Donato); a largu Pozzo di Villa; a carrera de Santa Elisabetta dae s’incròtziu cun carrera de Maddalenedda; a carrera de Sant'Apollinare dae s’incròtziu cun carrera de Gazometro; a carrera de Gran Condotto dae pratza Infermeria S.Pietro; a cursu Vittorio Emanuele dae pratza Sant'Antoni. Dae su 14 de austu dae sas 9 de mangianu a s’agabbu de sa manifestatzione, vietadu su tràficu e sa firmada in carrera XXV de Abrile; in pratza Istatzione; pratza S.Maria e carrera Dei Gremi; in pratza Sant'Antoni, cara cara a s’ex hotel Turritania; in pratza de porta S.Antoni. Su 14 de austu, dae sas 10 de mangianu finas a s’agabbu de sos traballos de pulitzia at a èssere vietadu su tràficu e sa firmada in pratza de Castello; carrera de Politeama; largu Cavallotti; pratza de Azuni; cursu Vittorio Emanuele; pratza de S.Antoni; carrera de A.Saffi; cursu Vico e pratza S.Maria (intre Porta Utzeri e carrera de XXV de abrile); carrera Dei Gremi (intre sa rotatòria de s’istrada pro Ìtiri e pratza Santa Maria). Su 16 de austu dae sas 2 de borta de die finas a s’agabbu de sa manifestatzione at a èssere istituidu su divietu de tràficu e de firmada de sa Turre, intre carrera de Pieroni e su Lidu Punta Bianca