Casteddu - Pròroga de sos cuntratos in iscadèntzia pro 318 traballadores de sos
“Csl-Centri Servizi per il lavoro”, e de sos “Cesil-Centri servizi di inserimento lavorativo” e de sas Agentzias de isvilupu intrados dae pagu in s'Agentzia regionale de su traballu
Una delìbera, presentada dae s'assessore regionale de su traballu Virgìnia Mura e aproada durante sa Giunta de oe, previdet como una pròroga de sos cuntratos a tempus determinadu pro unu tempus màssimu de 36 meses pro sos traballadores Csl, Cesil e Agentzia de isvilupu locale. "Sa pròroga de sos cuntratos - at naradu s'assessora regionale - est in lìnia cun sa normativa natzionale e est netzessària pro assegurare su funtzionamentu de so servìtzios, in particulare pro sighire s'atuatzione de su Progetu europeu "Garantzia giòvanos" chi tenet unu valore istratègicu mannu pro cuntrastare sa disocupatzione giovanile".
S'assessora at comunicadu finas chi at a èssere presentadu unu disinnu de lege chi "a manera orgànica potzat definire s'istadu atuale de sas cumpetèntzias subra de sos servìtzios e subra de sas polìticas de su traballu e chi las organizet in su territòriu de s'ìsula. In prus, "pro otènnere custos obietivos - sualìnieat sa titulare de s'assessoradu - est netzessàriu a torrare a definire sa pranta orgànica de s'Agentzia de su traballu e a ammaniare sos cuncursos pùblicos".