Crèschidu su tantu de dinare pro sos pianos personalizados de sa lege 162/98

Tàtari - Su totale de sos pianos personalizdos cunforma a sa lege 162/98 e su programma de su 2013 chi si devet fàghere in su 2014, est istadu crèschidu pro sos benefitziàrios chi apant àpidu in su pianu issoro unu puntègiu mìnimu de 80 puntos, pertocat duncas sos interventos de sos pianos giai ativos.
S'amministratzione comunale de Tàtari est ammaniende pro imbiare a sos benefitziàrios sa comunicatzione subra de sos tempos e sas modalidades pro pòdere impreare sa crèschida de su pianu de interventu. Sos tzitadinos interessados podent dimandare a su Servìtziu sotziale territoriale de apartenèntzia pro àteras informatziones in custas dies e oràrios: dae su lunis a su chenàbura dae sas 9 a mesudie (9,00-12,00) e su martis finas dae sa 3 e mesa a sas chimbe e mesa de borta de die (15,30 - 17,30) in sa sede de su Servìtziu sotziale territoriale de riferimentu.