Nùgoro - Dae su 1 de austu, pro disponimentu de su Cabu de sa Politzia, sa dotora Giuseppina Stellino est sa Cuestora Vicària noa de Nùgoro.
Originària de Tàtari, Stellino tenet un'esperièntzia professionale de importu chi at acumpridu pro medas annos in Roma in sa Diretzione Investigativa Antimàfia e, a pustis, in su servìtziu de iscorta de su presidente de sa Càmera de sos Deputados On. Casini; a pustis in Tàtari, comente dirigente de sas Volantes e de s'iscuadra Mòbile e comente cabu de Gabinete; in fines, torra in Roma in su Servìtziu investigativu de sa Politzia de sas Comunicatziones.
In sa foto: Giuseppina Stellino