Tàtari – «Sa pròroga istabilida dae su legisladore natzionale pro s’aprovatzione de su bilàntziu de previsione non càmbiat de una vìrgola sa situatzione mala de sa Provìntzia de Tàtari» - at naradu sa Presidente de sa Provìntzia. «Si sa Regione no interbenit deretu – at sighidu – dae su 15 de austu s’amministratzione at a suspèndere unos cantos servìtzios essentziales, comente sa gestione de sas iscolas superiores e de sas istradas, pro mancàntzia de dinare». A sos contos de su setore Servìtzios finantziàrios de pratza de Itàlia mancant sos 4 milliones e 300 mìgia èuros chi deviant arribare cun sos trasferimentos de su Fundu ùnicu regionale. Sena custos s’arriscat de no abèrrere sas iscolas a s’incumintzu de s’annu iscolàsticu imbeniente e de non garantire s’assistèntzia educativa e su trasportu de sos istudentes cun disabilidade.B’at finas un’àteru problema mannu: s'arriscu chi sa Multiss, sa sotziedade in house de sa Provìntzia, at a dèvere litzentziare prus de 150 traballadores.