Tàtari – Sa Dinamo Bancu de Sardigna at fatu s’acordu cun su giogadore Edgar Sosa, nàschidu in New York su 15 de ghennàrgiu de su 1988, chi s’annu coladu fiat intre s’àmbitu de su Ratiopharm Ulm in Germània e giai protagonista in su campionadu italianu cun sa màllia de Angelico Biella in s’istajone 2010-2011. Edgar Sosa, “combo guard” 190 tzentìmetros e 80 chilos de pesu, est unu giogadore cun un’abilidade ofensiva manna chi aunit atletismu e personalidade.Americanu de nàschida ma cun passaportu de sa Repùblica Dominicana, Sosa est un’esternu capatzu siat de organizare su giogu e a pònnere su ritmu giustu a sos cumpàngios siat de si leare sas responsabilidades in atacu. Est crèschidu professionalmente in Lousville in unu de sos ateneos prus de importu de Amèrica, Edgar Sosa a pustis de s’ùrtimu annu de collègiu at agabbadu cun 13 puntos e 4.5 assist de mèdia pro cada partida e arribat a Biella in ue dìsputat un’istajone comente rookie de livellu meda artu e arribat finas a cunvocatzione a s’All Star Game.