Tàtari – “Su cuntratu istipuladu cun s’avocadu Giovanni Isetta, de natura dirigentziale comente prevìdidu dae su regulamentu de organizatzione de sos ufìtzios de sa Comuna de Tàtari, faghet parte de sos istandard retributivos lordos, de positzione e de resurtadu prevìdidods dae sa lege e dae sos cuntratos culletivos natzionales e detzentrados istipulados , a livellu natzionale intre sa rapresentàntzia negotziale de parte pùblica e sas organizatziones sindacales de sos dirigentes comunales. Sa figura de cabu de gabinete, difatis, si còllocat in cussu profilu dirigentziale. In prus non si podet argumentare subra de s’inconferibilidade de s’incàrrigu a pessones chi ant àpidu sa càrriga de cussigeri comunale, ca custa est esclùdida a manera crara dae s’art. 1, comma 50, lett. c), de sa lege dèlega n. 190/2012 pro sos collaboradores chi faghent parte de s’iscuadra de su Sìndigu.Est un’incàrrigu chi, comente est prevìdidu dae sa lege, est de fide: custu cheret nàrrere chi sa pessone isseberada devet tènnere totu sos recuisidos de base netzessàrios pro pòdere partetzipare a sos cuncursos pùblicos pro dirigente de s’ente locale, comente unu tìtulu de istùdiu ispetzìficu cun làurea magistrale, esperièntzia libero professionale o in su setore privadu de gènere dirigentziale o de àere traballadu pro a su mancu 5 annos in un’amministratzione pùblica in unu profilu professionale deretu in fatu a cussu de dirigente”. Est custa sa risposta de su sìndigu de Tàtari a sa noa publicada dae SassariNews.it pro su chi pertocat s’incàrrigu costosu de su cabu de gabinete dadu dae sa Giunta a s’ex segretàriu tzitadinu de su Partidu democràticu Giovanni isetta. Pagu prus o mancu 8 mìgia èuros a su mese chi ant fatu faeddare meda in intro de Palatzu Ducale e finas in fora de sa tzitade [LEGGI].