Tàtari - In su festival literàriu de s'Argentiera b'at a èssere un'addòbiu originale intre Pif e su Presidente de su Senadu Pietro Grasso, Geppi Cucciari at a faeddare cun Claudio Bisio de vida e de literadura, su prèmiu Strega Walter Siti in su palcu cun Francesco Piccolo, Dente òspite de una puntada ispetziale de “La lingua batte” de Radio3, e finas Wu Ming 1, Luca Bianchini, Valerio Aprea, Carlo De Ruggieri, Francesco Mandelli e Federico Russo, Corrado Fortuna, Bruno Tognolini, Arturo Stalteri, Giuseppe Antonelli, Giorgio Zanchini e Marino Sinibaldi, Giovanni Floris e medas àteros òspites e progetos originales.
Unu festival in Sardigna, in mare, in unu de sos logos prus istraordinàrios de s'ìsula: incumintzat su 25 de trìulas in s'Argentiera su festival literàriu “Sulla terra leggeri”; in una bidda antiga de minadores, chi est istadu pro deghinas de annos unu logu de traballu pesante, cadannu si torrant a addobiare iscritores, musitzistas, atores, giornalistas e poetas pro contare s'Itàlia de sos tempos de oe, cun totu sa lebiesa chi bi podet èssere in tempos pesantes comente sos nostros.

In sa foto Pif in s'editzione 2013