Tàtari - "Pedimus chi bèngiat annullada custa giunta comunale e chi s'abèrgiat una fase noa de cunfrontu cun sas fortzas polìticas de sa coalitzione de tzentrumanca chi ant batidu a sa vitòria eletorale": est custa sa rechesta de ùndighi cussigieris de su Partidu democràticu fata a su sìndigu Nicola Sanna.
A pustis de sas cuntierras de sas chidas coladas subra de sa nòmina de sa Giunta, sos cussigieris Pierpaolo Bazzoni, Lisa Benvenuto, Gianni Crobu, Valeria Fadda, Carla Fundoni, Giuseppe Masala, Lello Panu, Stefano Perrone, Antonio Piu, Salvatore Sanna e Esmeralda Ughi ant torradu a cunfirmare s'idea issoro a su primu tzitadinu in una cunferèntzia istampa cunvocada giòbia colada in Palatzu Ducale.