Tàtari – Sos resurtados de un’annu bonu a beru pro sa pallacanestro, sa cultura de s’isport, ospitalidade e prospetivas pro addatare su Palaserradimigni a sas lìnias ghia de s’Eurolega. Sunt istados custos sos temas de s’addòviu intre su sìndigu Nicola Sanna e sos rapresentantes de sa Dìnamo Tàtari.In sala giunta paris cun su sìndigu bi fiant su presidente de sa Dìnamo Istèvene Sàrdara, s’allenadore Romeo Sacchetti paris cun s’assistente Pàulu Citrini, su diretore isportivu Federico Pasquini, Luigi Peruzzu e sos giogadores Manuel Vanuzzo, Brian Sacchetti e Massimo Chessa. Ant leadu parte a s’addòviu s’ assessora a sas polìticas educativas, giovaniles e isport, Maria Francesca Fantato, e s'assessore a sas Polìticas pro sa pianificatzione territoriale, atividades produtivas e edilìtzia privada, Alessio Marras.