Tàtari – S’idea est cussa de incumintzare a pessare a fàghere sa de Tres Repùblicas, chi abèrgiat unu cantieri chi siat a tretu de nde fàghere leare parte a sas autonomias locales e a sas fortzas sotziales. A lu sustènnere est s’Assòtziu “Rifare l’Italia” chi bolet èssere “logu de initziativa e pro fraigare una cultura polìtica noa” e bolet “abalorare su contributu de amministradores territoriales, energias de su mundu econòmicu, assotziativu, culturale, de sas professiones e de su traballu”. Sunt custos sos puntos de importu de sa Carta de sos intentos de adesione a su comitadu promotore de s’Assòtziu a ue su sìndigu de Tàtari, Nicola Sanna, eris a borta de die in Roma, at detzìdidu de aderire.S’assòtziu cun sos promotores suos, su ministru de sa Giustìtzia Andrea Orlando e su presidente nou de su Pd Matteo Orfini, si proponet de incumintzare unu cambiamentu pro sa sotziedade italiana e dare unu ruolu de importu a sos sìndigos de sas tzitades italianas. Sa riunione de s’assemblea natzionale est istada aberta eris mangianu in su Roma Life Hotel” de sa capitale e ant leadu parte Francesco Verducci, Matteo Orfini, Andrea Orlando, Simona Bonafè, Gianni Cuperlo e Matteo Ricci.