Tàtari - Su presidente nou de su Cussìgiu de sos istudentes de s'Universidade de Tàtari si mutit Ricardo Zanza e istùdiat in su cursu magistrale in "Sistemas agràrios" e su dipartimentu de Agrària. Est istadu eletu sas dies coladas dae su Cussìgiu nou de sos istudentes. Comente bitzepresidente, Zanza at numenadu a Giosepe Zitti, iscritu a su cursu de làurea in "Sièntzias de sa polìtica e de s'amministratzione". Ambos istudentes fiant candidados in sas listas de su "Forum istudentescu".