Casteddu - In sa setziada de su 17 de làmpadas, sa Giunta regionale at apropadu su documentu naradu “Paf-Prioritized Action Framework” (Cuadru de atziones prioritàrias) pro sa “Rete Natura 2000”.
Est unu documentu de indiritzu prevìdidu in sa “Direttiva Habitat” (92/43/Cee), chi permitet de distìnghere sas istrategias e atziones prioritàrias de bogare a campu pro sa Rete Natura 2000, favorende sa possibilidade de ricùrrere a sos Fundos Ste (“Fesr”, “Feasr”, “Feamp”, “Fse”), pro fàghere a manera chi sas esigèntzias de Natura 2000 siant prevìdidas in sos programmas operativos natzionales e regionales de sa programmatzione noa 2014-2020.