Tàtari - S'òrdine de sos mèigos chirurgos e odontoiatras de sa provìntzia de Tàtari e s'Assòtziu italianu Tzeliachia Sardigna sunt ammaniende unu cunvegnu sientìficu acreditadu Ecm chi at a èssere in Tàtari su 21 de làmpadas in sa sala Cunferèntzias de s'òrdine in carrera de Cavour, 71/b dae sas 8,30 a sas 14,30.
A custa cunferèntzia ant a leare parte reladores de cumpetèntzia manna pro dare una visione globale de su fenòmenu a totu sos chi sunt interessados a sa tzeliachia e a sas patologias ligadas. Ant a interbènnere sos professores Antonio Calabro de s’Universidade de Firenze, Riccardo Troncone de s’Universidade Federico II de Nàpoli e Umberto Volta de s’Universidade Sant’Orsola-Malpighi de Bologna.