Tàtari - Duos meses de suspensione dae su traballu pro Bruno Bellomonte, su ferrovieri tataresu, dirigente istòricu de su grupu A manca pro s'indipendèntzia. Una detzisione leada dae sas Ferrovias de s'Istadu s'incras de su protzessu Arcàdia incumintzadu in sas dies coladas in sa Corte de Assise. A su protzessu b'at 18 imputados pro assotziatzione suversiva cun finalidades de terrorismu.
Sos ativistas ant espressadu finas solidariedade manna pro Bruno Bellomonte e de sos imputados e indagados in s'àmbitu de su protzessu Arcàdia. Sa die de s'abertura de su protzessu medas militantes de su movimentu aiant manifestadu in dae in antis a su tribunale.