Casteddu - S'Assessore a sa Sanidade nou Luigi Arru pro su chi pertocat sa peste suina at agatadu una situatzione crìtica, siat dae unu puntu de vista normativu siat dae cussu organizativu, comente cunfirmat sa lìtera imbiada dae su Ministèriu de sa Salude a sa Cummissione Europea in su mese de santandria de su 2013.
Su primu atu est istadu su de ammaniare su pianu contra a sa peste suina 2015-2017, cumpartzidu cun su Ministèriu de sa Salude. In custas dies, sos ufìtzios de s'Assessoradu, paris cun s'assessore, sunt faghende su progetu de luta e de cuntrastu a sa peste suina. Sa proposta at a èssere posta luego a s'atentzione de su presidente Frantziscu Pìgliaru e de sa Giunta.