Tàtari - Sunt medas sos obietivos fissados pro istatutu dae sa “Fondazione Sef Torres 1903”, costituida dae unu grupu de sustenidores de s'iscuadra tataresa: difùndere sa cultura e sos valores de s'istòria de sa Sef Torres 1903 tràmite sa promotzione de sa pràtica isportiva giovanile e diletantìstica, s'iscoberta e sa crèschida de talentos noos, sa creatzione de bursas de istùdiu pro giovanos bravos, initziativas pro cuntrastare su maluistare de sos giòvanos e su degradu sotziale, sa crèschida de sa comunidade de sos tifosos e de sos sustenidores de sa Torres.
Sa nàschida de sa Fondatzione, sos obietivos, sas ambitziones suas, s'organigramma e s'organizatzione sua ant a èssere presentados a manera ufitziale a s'istampa mèrcuris su 18 de làmpadas a sas 10,30 in sa corte de s' “Atelier Maccioccu” de Tàtari, in carrera de Cavour 41.