Tàtari - S'assòtziu Informareperformare dat su benebènnidu a Horst Wein e a Marcello Nardini in Tàtari pro unu Master de livellu formativu artu. Su Master at a èssere su 4, 5 e 6 de trìulas e est pro allenadores de fùbalu pro giòvanos. Su professore Horst Wein, est chèrfidu torrare in Sardigna mantenende gosi s'improminta.
Tedescu de nàschida ma ispagnolu de adotzione, formadore de prus de 11 mìgia allenadores in prus de 60 Istados de su mundu. Pessonàgiu famadu, ispiradore de sa "Cantera" de Bartzellona chi at educadu sos fenòmenos Xavi e Iniesta. At ideadu su mètodu "Funino", su fùbalu 3 contra 5 in bator ghennas, fatu a mesura pro isvilupare s'intellighèntzia caltzìstica de sos prus minores.
Gràtzias a annos de istùdios, teòricos e pràticos, Wein at produidu unu modellu universale chi podet aplicare in totu sas acadèmias caltzìsticas professionìsticas e diletantìsticas. Custu modellu in totu sas fases suas est propostu a sos pitzinnos dae sos 7 a sos 14 annos.